Tesla и понатаму ги крие деталите
Како и во претходните квартали, Tesla не објавува одделни бројки по модел. Наместо тоа, сите возила освен Model 3 и Model Y ги вбројува во категоријата „останати модели“, во која сега се вклучени Model S, Model X, Cybertruck и Tesla Semi.
Во извештајот за вториот квартал од 2025 година, компанијата објави дека има производство од 13.409 возила и испорака на 10.394 единици од таа група.
Овој број е помал од половина од врвот достигнат во 2024 година, кога Tesla сè уште испорачуваше Cybertruck возила од претходно направени резервации. Но, во 2025 година продажбата драстично опадна, и тоа и покрај дополнителни стимуланси како што е даночниот попуст од 7.500 долари.
Според достапни податоци од меѓународните пазари, продажбата на Model S и Model X исто така опаѓа, но се проценува на околу 5.000 единици по квартал, што значи дека остатокот од „другите модели“, вклучувајќи ги Semi и Cybertruck, се продава во вкупен обем помал од 6.000 единици.
Иднината на Cybertruck – неизвесна
За споредба, Ford, и покрај падот на продажбата за 26%, сепак успеа да продаде 5.842 F-150 Lightning возила во истиот период – што е повеќе од Cybertruck.
General Motors исто така ја надмина Tesla со неколку модели на својата електрична пикап-платформа, испорачувајќи:
- 3.056 електрични Silverado,
- 1.524 електрични GMC Sierra, и
- 4.508 електрични Hummer возила (вклучувајќи и SUV верзии).
Tesla сè уште нема излезено со официјална изјава за иднината на Cybertruck програмата, но драстичниот пад на продажбата и разочарувачките пазарни резултати, и покрај агресивната маркетинг-кампања и стимулативните мерки, ја доведуваат во прашање одржливоста на проектот што требаше да претставува технолошки пресврт во понудата на електрични возила.
Извор: bizlife.rs
